Дознајте колку долго траат изгорениците од сонце и како треба да ги третирате

„Колку долго ќе траат изгорениците зависи од нивната сериозност. Умерените траат околу една недела“, објаснува дерматологот Џошуа Зејхнер.

Колку се потешки изгорениците, толку подолго ќе биде потребно за да се излечат. Во тешки случаи, може да се појават водени меурчиња кои настануваат при сериозно УВ-оштетување кое предизвикува оток. Течноста се акумулира под кожата и создава блистер.

„Тогаш изгорениците можат да траат и до три недели“, додава д-р Зејхнер.

Ако сакате да го ублажите ова непријатно чувство, избегнувајте груби пилинзи. Измијте ја кожата со млака вода со нежно средство и нанесете навлажнувач. Не избирајте силни масти кои можат да предизвикаат задржување на топлината во кожата.

Антиинфламаторни лекови како аспирин или ибупрофен можат да помогнат во намалувањето на воспалението, а може да посегнете кон некоја храна како мед, јаболков оцет или овес. Ако имате други симптоми како што е треска, време е да се јавите кај вашиот лекар.

Прочитајте и: Еве како да изградите тенка линија на долг рок