Како да пресадите кактус, а да не се избодете и да не ја оштетите билката: Трик на искусни љубители на сукуленти!
Грижете се за нив на правилен начин!
Пресадувањето е неопходно на секои три до четири години
Кактусите се собни билки што не бараат многу внимание. Ретко им треба пресадување, но кога ќе дојде време за тоа, треба да го направите тоа правилно и безбедно.
Еднаш кога коренот ќе почне да излегува низ дупките на дното од саксијата, време е да го пресадите кактусот. Со оглед на тоа што бавно растат, на кактусите им треба пресадување секои 3 до 4 години или секои 2 до 3 години за сортите што побрзо растат.
Многу сорти кактус се украсени со остри боцки кои дејствуваат како заштита за билката. Тоа го отежнува пресадувањето. Еден од најдобрите начини на безбедно пресадување е употребата на метални клешти. Исто така, би било добро да имате пар дебели заштитни, градинарски ракавици. Во случај да немате, може да ви послужат и весници отворени на пола.
Никогаш не го допирајте кактусот директно со раце.
Најдобро е да го пресадите кактусот до средина на пролетта кога билката влегува во својот активен период на растење.
Повеќето кактуси имаат боцки кои тешко е да се отстранат од кожата ако дојдат во контакт со неа, па секогаш се препорачува носење заштитна опрема за време на пресадувањето кактуси.
Упатства за пресадување кактус:
Поврзани објави
- Извадете го кактусот од старата саксија
Завиткајте го кактусот во неколку слоеви весници за да полесно да го фатите доколку немате соодветни градинарски ракавици.
- Отстранете ја старата земја
Кога кактусот ќе се отстрани од старата саксија, фрлете ја старата земја. Во зависност од тоа колку е врзана билката за коренот, тоа понекогаш може да биде деликатен процес. Бидете трпеливи и внимавајте да не скршите премногу корени.
По пресадувањето, вратете го кактусот на првичното место за да продолжи да добива иста количина на светлина.
- Пресадете го кактусот во нова саксија
Наполнете го дното на новата саксија со мешавина за земја за кактус. Со помош на клешти или весници, внимателно ставете го кактусот во саксија и држете го на место, додека го полните остатокот од садот со земја. Не го полевајте свежо пресадениот кактус веднаш, бидејќи му треба време да се приспособи на новите услови. По една недела можете да продолжите со редовниот распоред на полевање.