Ѕвездата на „Мелроуз плејс“ се одвикна од наркотици и се сврши на 58 години: Доказ дека никогаш не е доцна!

Близок семеен пријател на познатата актерка ја потврдил веста за свршувачката за магазинот „Пипл“.

Според неговите зборови, парот е свршен уште од април, кога прославиле годишнина од нејзината трезвеност, по лекувањето од алкохолизам и зависност од наркотици.

Актерката изминативе години водела тешка борба со наркотици и алкохол, како и со депресија, а во 2018 година била уапсена кога направила два прекршока и се спротивставила на полицијата во алкохолизирана состојба. Меѓутоа, таа решила да го промени својот живот и очигледно е дека успеала во тоа!

Хедер пред две години кога била фотографирана при апсењето

„Навистина се среќни заедно. Целото нејзино семејство, браќа и сестри ја поддржуваат и многу се среќни и возбудени поради неа“, изјавил извор близок на актерката, додавајќи дека во овој чекор ја поддржува и ќерката Ава (22) која ја има од бракот со Ричи Самбора.

Хедер и Крис биле вљубени уште од средно училиште, а повторно воспоставиле контакт пред неколку години. Нивниот однос бил нестабилен, поради нејзината злоупотреба на алкохол и наркотици, но на крајот одлучила да побара стручна помош во една приватна установа за рехабилитација и сега веќе подолго од една година е „чиста“.

Хедер минатата недела била фотографирана во Лос Анџелес со дијамантски прстен на раката и со заштитна маска на која пишувале „се смеам“.

„Навистина е одлично и инспиративно тоа да се види како Хедер успеа да го промени својот живот“, заклучил семејниот пријател.

Донатела Версаче – Потресна исповед на познатата дизајнерка за зависноста од наркотици