Што тоа камерите не забележаа: Жестока драма пред средбата на Меган Маркл и Бијонсе
Поврзани објави
Војвотката од Сасекс Меган Маркл и пејачката Бијонсе конечно се сретнаа очи в очи. На премиерата на филмот „Кралот на лавовите“ во Лондон првпат се запознаа и пред камерите се прегрнаа како да се знаат со години.
Меѓутоа, британските медиуми објавуваат детали од бекстејџот тврдејќи дека не било толку идеално. Додека се прегрнуваа и бакнуваа пред камерите, позади сцената владеела напнатост, а атмосферата ја подгреале советниците на Меган Маркл и принцот Хари. Тие не биле воодушевени од тоа што познатиот „шоубиз“ пар, Бијонсе и Џеј Зи, доцнат на премиерата односно тоа што пристигнале после претставниците на кралското семејство, што според протоколите е забрането. Токму поради тоа и атмосферата била напната.
Инсајдер за британските медиуми открил дека причината било тоа што се скинал долгиот фустан во златна боја на Бијонсе и таа не сакала да облече нешто друго. Затоа, чекале во хотелот во Лондон да дојде шивачка и да го поправи.
Пејачката и нејзиниот сопруг задоцнија на премиерата дури 90 минути.
– Ве сакам луѓе – изјавила Бијонсе додека се гушкала со Меган.
фото: guliver/gettyimages