Првите реакции на кралското семејство на шокантните обвинувања: Откриваме што се случувало во палатата по интервјуто!
Скандалот не стивнува
Кралицата сè уште одбива да потпише официјална изјава
Првите реакции на Бакингемската палата на интервјуто на Меган Маркл и принц Хари се опишуваат како ужас и запрепастеност.
Медиумите откриваат дека кралицата Елизабета, принц Чарлс и принц Вилијам долго разговарале за тоа како да реагираат на низата обвинувања што Хари и Меган ги кажале во текот на двочасовниот специјал со Опра Винфри.
Извори од палатата тврдат дека меѓу членовите на кралското семејство владее шок и тага, но дека кралицата сè уште одбива да потпише службена изјава и дека бара повеќе време за да одговори на интервјуто.
Кралската послуга останала будна до 3 часот наутро и го гледале интервјуто преку видеолинк во живо од САД, со големо чувство на ужас и тага. Приватниот секретар на кралицата сер Едвар Јанд и секретарот на Чарлс, Клив Алдертон, наводно го гледале интервјуто во Бакингемската палата.
По интервјуто се подготвувале брифинзи на членовите на кралското семејство и се согласиле дека секој одговор би требало да биде координиран помеѓу кралицата, Чарлс и Вилијам.
Наводно, биле свикани кризни состаноци на кои учествувале високи чиновници од палатата, како и високо рангирани членови на кралското семејство, лично и преку телефон, како и по пат на видеоповици.
Послугата од палатата била длабоко разочарана и изневерена поради изјавите изнесени во интервјуто.
Кралицата во Виндзор разговарала со синот Чарлс, кој бил во неговиот лондонски дом, и со внукот Вилијам кој се вратил во Лондон од Норфол за да ги подготви децата за враќање на училиште.