Прогласени се ѕвездите на убавината: Сигурни сме дека ги сакате или ќе ги засакате исто како и ние!
#UIZBEAUTYSTARS
Нашите и ваши бјути-ѕвезди!
Некои од производите за разубавување што ги употребуваме се вечни, некои се со подобрени формули, некои во ново руво, но сите тие се едноставно ѕвезди во својот ранг.
На 15 март, во пријатната атмосфера на ресторанот и бар „Венеција“, се одржа Beauty Stars 2022, во организација на нашиот највлијателен магазин „Убавина и здравје“. На ова корпоративно дружење беа истакнати производите за кои дефинитивно можеме да кажеме дека се вредни за вашето време и пари, и тоа во категориите: парфеми и шминка; нега на лицето; коса+тело и професионалци.
Претставниците на прогласените бјути-ѕвезди, освен што си заминаа со статуетки, имаа можност да се запознаат меѓусебно, да разменат искуства, да се фотографираат и да го разгледаат најновиот број на „Убавина и здравје“.
Откријте кои се производите што заслужено го носат префиксот НАЈ: најпродавани, најбарани, најпосакувани, најпопуларни, најиновативни, најефикасни…
Парфеми и шминка
GIORGIO ARMANI MY WAY – парфем за жени
Најпродаваниот женски парфем во парфимериите „Еликсир ексклузив“, Giorgio Armani My Way е цветен мирис, создаден за жената со „отворен“ ум, љубопитна и автентична, подготвена да ги прошири своите хоризонти и да проживее значајни средби низ целиот свет.
Како резултат на иновативниот систем за повторно полнење, одговорниот и одржлив начин на добивање на состојките, како и заштитата на биодиверзитетот преку програми за зачувување на шумите, парфемот на Џорџо Армани достигнува јаглеродна неутралност.
Блескав букет од бели цветови собран во шишенце, кое е талисман, метафора за светот. (50 мл, 5.920 ден.)
GUCCI FLORA GORGEOUS GARDENIA – релансирање
Женскиот парфем Gucci Flora Gorgeous Gardenia е лансиран повторно минатата година како нов, поконцентриран израз на оригиналната тоалетна вода. Со радосен цветен потпис, мирисот е изграден околу цветот гарденија, на кој му се восхитувале од памтивек поради неговиот сјај, а се верува дека се користел во еликсири и магични напивки.
Поврзани објави
Презентиран во кампања со Мајли Сајрус во главната улога, Gucci Flora Gorgeous Gardenia е синоним на медиум за радост, со препознатлив мирис создаден за женскиот слободен дух. (50 мл, 5.930 ден.)
RIMMEL EXTRA 3D LASH – маскара
Дефинирање, издолжување и виткање на трепките, маскарата Rimmel Extra 3D Lash го постигнува сето тоа. А 3Д-четката ја опфаќа секоја трепка, од внатрешниот до надворешниот агол, додавајќи повеќедимензионален ефект за драматичен поглед. Обезбедува богат волумен без да формира грутки при нанесувањето.
Хидрогел-формулата придонесува за формирање ултрамазна фолија на трепките, а пигментите за интензивна црна боја, додека витаминот Е и восоците ги потхрануваат. (182 ден.)
BELL – HYPOALLERGENIC NUDE&MOIST – течна пудра
Хипоалергената течна пудра NUDE&MOIST на BELL- HYPOALLERGENIC одлично го изедначува тенот и ги покрива неправилностите, притоа интензивно ја навлажнува кожата, ја поддржува нејзината еластичност и го подобрува целокупното функционирање.
Содржи екстракт од семе од коноп, богата е со витамини, минерали и антиоксиданти и штити од ефектите на сината светлина.
Иновативната формула на оваа пудра е погодна за чувствителната кожа, склона кон иритации. Испробајте Bell HYPOAllergenic – ПОВЕЌЕ ОД ШМИНКА! (719 ден.)
MAX FACTOR FACEFINITY COMPACT – компактна пудра
Пресуваната пудра Max Factor Facefinity Compact ги комбинира удобноста и својствата на течната пудра, обезбедувајќи ја посакуваната мазна и сатенска завршница. Технологијата Perma-wear обезбедува целодневна боја отпорна на избледување и беспрекорна покриеност, која трае до осум часа.
Max Factor Facefinity Compact содржи и заштитен фактор 15, за заштита на кожата од сончевите зраци. Заборавете на неконтролираниот сјај, за совршена мат основа за шминка со беспрекорна завршница испробајте ја Facefinity Compact Foundation (976 ден.)