Магнезиумот го продолжува животот

Десетгодишно здравствено истражување во кое учествувале повеќе од 2.000 мажи во Санкт Петербург покажало дека дефицитот од магнезиум во исхраната за еден и пол пат го зголемува ризикот од ненадејна смрт поради инфаркт. Исто така, учесниците во испитувањето двапати почесто биле жртви на кардиоваскуларни заболувања, инфаркт, мозочен удар, стенокардија…

Симптоми на дефицит

* Зголемен умор, несоница

* Депресија, напади на паника

* Кнедла во грлото

* Грчеви, вкочанетост на екстремитетите

* Тахикардија, аритмија, задишеност

Можни последици

Болести на крвните садови и на срцето, вегетативна дистонија, покачен крвен притисок, развој на исхемиска болест, која може да предизвика смрт. Исто така, магнезиумот е одговорен за детоксикацијата, така што неговиот недостиг доведува до насобирање токсини во организмот.

Ризични групи

Хроничен дефицит од магнезиум често се јавува кај постарите луѓе, особено кај оние што боледуваат од хипертензија, дијабетес, атеросклероза, остеопороза. Често недостигот од овој минерал е забележлив во случај на тешка физичка работа, долготраен емотивен напор, стрес, често летање со авион и промени на временските зони.

Исто така, во ризична група се и љубителите на кафе и оние што поради некаква причина мораат да земаат диуретички препарати (магнезиумот интензивно се излачува со урината).

Што да се преземе

Најважно е да се избере најефикасната форма на минералот, која организмот најдобро ја усвојува. Најефикасни се магнезиум глицинат и магнезиум цитрат, а дневните потреби се 500–600 мг.

Магнезиумот поттикнува ширење на крвните садови и спречува згрчување на мускулите. Исто така, ја стимулира подвижноста на цревата, го зголемува лачењето на жолчката и го снижува нивото на холестерол во крвта.

Пред консумирање, задолжително консултирајте се со својот лекар.

Намирници богати со магнезиум

* Јаткасти плодови

* Овошје (банани, манго, суви сливи)

* Мешунки (грав, црн боб, леблебија)

* Зелен листен зеленчук, тиква, артичока

* Житарки (овесни трици, кафен ориз, просо, хелда)

* Морска риба

Извор: Руски доктор