Човекот што го откри лекот за коронавирусот го чека или светска слава или отфрлање од научната заедница

Во рок од две седмици би можеле да знаеме дали професорот Дидие Раул, францускиот вирусолог кој раководи со Медитеранскиот институт за заразни и тропски болести во Марсеј, ќе биде запишан во историјата како човекот кој го спаси светот од Ковид-19, или ќе биде отфрлен како арогантен, заблуден научник, кој шири лажни надежи, пишува „Ајриш Тајмс“.

Професорот Раул е човекот кој администрирал коктел со хидроксиклороквин, помалку токсичен дериват на хлороквин, лек што се користи за лекување на маларија, лупус и ревматиден артритис, и азитромицин (кај нас познат како „сумамед“), антибиотик што се користи против бактериска пневмонија, на 24 пациенти заразени со Ковид-19.

Резултатите од ова тестирање професорот Дидиер Раул ги објави на 16 март. По примањето на доза од 600 милиграми „плакенвил“ (едно од комерцијалните имиња на хидроксиклороквинот) и 250 милиграми азитромицин во текот на шест дена, три четвртини од пациентите биле тестирани негативни на вирусот, додека 90 отсто од оние во контролната група останале позитивни.

Со најавата на американскиот претседател Доналд Трамп и на гунернерот на државата Њујорк Ендрју Куомо, дека овој коктел од вчера (вторник, 24 март) ќе се користи за лекување на пациенти во САД,  пристигнаа и предупредувања никој ништо да не презема во паника и на своја рака.

Инаку деновиве е регистриран  и еден смртен случај во САД, поради самоволно користење на хлороквин фосфат, адитив кој вообичаено се користи за чистење на аквариумите за риби. Во Феникс, еден маж починал, а неговата сопруга е во критична состојба, откако на своја рака го употребиле „чудотворниот лек“ без лакарска контрола.