Ако сакате да имате здраво срце – јадете го ОВА!

Консумирањето одредени намирници може да влијае на здравјето на срцето. Досега, неколку студии покажаа дека исхраната во медитерански стил, која содржи многу овошје и зеленчук, интегрални житарки, здрави масти, јаткасти плодови и семки, добро влијае на здравјето.

Диететичарката Викторија Тејлор за Business Insider издвои неколку намирници кои позитивно делуваат на срцето и се препорачуваат често да се консумираат во исхраната. Освен што се добри за здравјето на срцето таа истакна и дека тие се подостапна опција во споредба со слична храна

Замрзнат грашок

Диететичарката советуваше во замрзнувачот секогаш да имате кесичка замрзнат грашок. „Грашокот е евтин, нема отпад и не бара дополнителна подготовка освен неговото готвење“, вели Тејлор. Таа додаде дека грашокот е добар извор на растителни протеини и исто така содржи витамин Ц, кој помага во заштитата на клетките и ги одржува здрави.

Тие исто така содржат растителни влакна, кои, според Тејлор, можат „да помогнат во намалувањето на апсорпцијата на холестеролот во телото“.

Кикирики

Кикириките се идеална опција за сите оние кои сакаат поздрава алтернатива на колачињата или колачите, но важно е да ги јадат умерено, истакнува диететичарката. Несолените, необложени кикиритки се богат извор на незаситени масти, особено мононезаситени масти, и содржат влакна, протеини и низа витамини и минерали потребни за урамнотежена исхрана, додава Тејлор.

Масло од репка

Друга храна на која укажа диететичарката е маслото од репка. Како причина зошто маслото од канола е добра опција таа посочува дека е добра опција за здравјето на срцето, особено за оние луѓе со ограничен буџет.

„Маслото од репка главно содржи мононезаситени масти кои помагаат во заштитата на срцето со одржување на добри нивоа на HDL холестерол додека го намалуваат нивото на лошиот LDL холестерол во крвта“, објасни таа