7 едноставни начини да се опуштите и да го подигнете вашето расположение за кратко време!

Ако го читате ова, можеби не се чувствувате добро. Без разлика дали се работи за стрес на работа, многу семејни обврски или хормонални промени, лесно е да станете раздразливи, тажни, негативни или лути. Овие емоции ви го заматуваат умот, не дозволуваат да се фокусирате и да го „свртите“ денот на подобро, па најдобро е да ги ослободите што е можно поскоро.

За среќа, постојат докажани трикови кои можат да ви помогнат многу брзо да се ослободите од напнатоста. Опуштете се и развеселете се со помош на еден од овие методи – тие се едноставни, а повеќето бараат речиси и да не трошите пари.

1. Пуштете музика

Музиката предизвикува емоции и може да се користи за релаксација, среќа, па дури и носталгични чувства. Направете листа од вашите омилени песни, оние кои ви го подигнуваат расположението или ви помагаат да се опуштите – и секогаш имајте ги при рака.

2. Хоби

Хоби обезбедуваат чувство на среќа, ја зголемуваат самодовербата и нуди бегство од стресот. Кога ќе се потопите во она што сакате да го правите, без разлика дали тоа е градинарство, готвење или танцување, целиот свет исчезнува и вие влегувате во таа блажена состојба на свест позната како проток.

3. Пишувајте дневник

Запишувањето на вашите мисли и чувства може да биде терапевтско бидејќи ви помага полесно да ги откриете и обработите вашите емоции. Тоа води до почист и порелаксиран ум.

4. Одете во библиотека

Читањето, особено фикција, е одлична форма на бегство од реалноста. Тоа ви овозможува да се одморите од реалноста и да се нурнете во друг свет. Изберете жанрови на книги кои ве интересираат и можат да го задржат вашето внимание.

5. Благодарност

Набројувањето на работите за кои сте благодарни, го префрла вашиот фокус од негативното (или она што го немате) на позитивното (или убавите работи што ги имате). Водете дневник за благодарност или навикнете се да размислувате на десет работи за кои сте благодарни секој ден. Оваа навика ја зголемува среќата и позитивниот поглед кон животот.

6. Прошетајте во природа

Дури и кратка прошетка низ најблискиот парк може многу да влијае на вашето лошо расположение. Шетањето во природа го стимулира ослободувањето на „хормоните на среќата“, хемиски гласници кои помагаат да се регулира вашето расположение и да се намалат хормоните на стрес.

7. Гледајте видео со домашно милениче

Ако немате свое домашно милениче со кое ќе си играте, пронајдете смешно видео со вашето омилено животно. Едно истражување покажа дека субјектите (кои пријавиле негативни чувства на анксиозност, лутина и тага) се чувствувале поенергично и позитивно откако гледале видео со мачки.