Сите несвесно ги повторуваме: Навики кои предизвикуваат проблеми на кожата на лицето
Обрнете внимание
Кожата на лицето секојдневно е изложена на разни нечистотии кои предизвикуваат проблеми во форма на мозолчиња и губење на сјај, но исто така честопати и самите влијаеме на овие несакани ефекти со некои лоши навики. Руби Ванг, експерт за козметика, објаснува на што треба да обрнеме внимание и зошто.
Чистење на екранот на мобилниот телефон
Во просек, луѓето поминуваат дури 23 дена во годината на мобилен телефон.
– Воопшто не е пријатно да се замисли количината на бактерии што се наоѓаат на површината на мобилниот телефон. И тогаш кога ќе сфатите дека го потпирате тој телефон на вашето лице за време на секој разговор, тоа е одговорот на тоа зошто добиваме мозолчиња на тие места – објаснува Ванг.
Менување на навлаки на перниците
Ако сте забележале дека имате акни на едниот образ или само на едната страна од лицето, веројатно не ја менувате навлаката на перницата колку што е потребно.
– Забележавте мозолчиња токму на таа страна од лицето каде што спиете. Треба да ја менувате навлаката за перници барем еднаш или двапати неделно. Ова ќе го заштити вашето лице од акумулација на мртви клетки на кожата, масла, нечистотии и бактерии од перницата – објаснува Ванг.
Чистење на очила за сонце
Како и со телефонот, очилата за сонце треба редовно да се чистат. Пот се акумулира на рабовите на очилата, што предизвикува запушување на порите и појава на мозолчиња на носот, над увото или на местото каде што очилата ги допираат образите.
Често го допирате лицето
Поврзани објави
Ова е многу честа навика, а претежно не сме ни свесни колку го допираме лицето.
– Понекогаш е тешко да се одолее да се држи рака за образ или да се потпре брадата на раката додека читате нешто. Рацете се полни со разни бактерии, а со постојано допирање на лицето, тие се пренесуваат на чувствителната кожа, која потоа реагира со црвенило и појава на мозолчиња – објасни Ванг.
Вашата коса е постојано на лицето
Прамените на косата имаат различни бактерии кои само ѝ прават лошо на вашата кожа.
– Ако имате области полни со акни со вашата коса, можеби треба да ги разгледате производите за коса што ги користите бидејќи очигледно лошо влијаат на вашето лице – предупредува Ванг. На луѓето со долга коса им се препорачува да ја тргнат од лицето на некој начин доколку имаат проблем со мозолчиња.
Малку спиете
– За време на спиењето, количината на кортизол во телото се намалува, што помага да се обнови кожата. Кај луѓето кои не спијат доволно, нивото на кортизол останува покачено, што предизвикува појава на акни – предупредува Ванг. Возрасните имаат потреба од 7 до 9 часа сон на ден.
Прочитајте и: Шминката не смеете да ја позајмувате ни на вашата најдобра пријателка!
ФОТО: Getty Images