Со оглед на тоа што многумина во последно време поминуваат поголем дел од денот во затворен простор, мислата за примена на крема за сончање секојдневно се чини како луда. Сепак, дерматолозите препорачуваат да продолжите со употреба на крема за сончање – дури и ако не излегувате надвор или се сончате.
Мохиба Тарин тврди дека УВА (ултравиолетови А) зраците продираат и низ стакло, така што вие сте изложени на сонцето преку прозорци.
„Светлината на прозорецот може да предизвика дополнително оштетување на кожата со текот на времето како резултат на сонцето“, рече таа, додавајќи: „Овие зраци можат да навлезат длабоко во кожата и со тек на време да предизвикаат оштетување на кожата и рак на кожат. УВА зраците исто така придонесуваат за стареење на кожата“.
Покрај тоа, ЛЕД светлата од нашите електронски уреди емитуваат високо-енергетска видлива (ХЕВ) светлина, што исто така може да придонесе за стареење на кожата, како што објаснува Џошуа Зејхнер, дерматолог во болницата „Монт Синај“ во Њујорк.
„Ако цел ден седите пред вашите електронски уреди, побарајте крема за сончање што содржи цинк оксид“, рече Зејхнер.
Поврзани објави
„Овој блокатор на минерали одразува светлина од кожата и нуди одредено ниво на заштита од ХЕВ светлината“, објасни тој.
Во суштина, треба редовно да нанесувате крема за сончање на лицето, вратот и рацете, но не мора да изберете креми со највисок фактор на заштита. И Зејхнер и Тарин се согласуваат дека производите што содржат СПФ 30 се доволни.
Прочитајте и: Оваа маска брише 10 години од лицето прекуноќ: Се прави само од 2 состојки, а ги отстранува и најдлабоките брчки!
ФОТО: Getty Images