Што е тоа мускулна издржливост и како можете да ја подобрите својата?

Тоа е способност на мускул или мускулна група да изврши дејство подолг временски период. Томас Свенсен, професор по вежбање и тренинг, вели дека тоа значи колку долго можат да работат вашите мускули. Бројни атлетски подвизи и дневни активности бараат мускулна издржливост. На пример, пливањето бара мускулна издржливост на рамената, а носењето намирници од продавницата до куќата бара издржливост во рацете и грбот.

Разликата помеѓу мускулната сила и мускулната издржливост

Иако звучи исто, навистина не е. Па, како се разликуваат овие поими? Силата на мускулите значи максимална способност за напрегање – на пример, при изведување сквотови. Издржливоста на мускулите се однесува на постојани напори за подолг временски период и ви овозможува да правите секојдневни активности како што се одење, чистење, градинарство. Исто така, постои кардиоваскуларна издржливост, што е всушност способноста на вашето срце, крвни садови и бели дробови да го снабдуваат телото со кислород подолг временски период и охрабрува повеќе мускулни групи да работат. Исто така ја подобрува издржливоста на мускулите.

Предности на мускулната издржливост

Поголемата мускулна издржливост ќе ви овозможи да вежбате подолго – ќе можете да трчате нон-стоп 90 минути, наместо 60 минути. Придобивките може да се видат и во секојдневниот живот, на пример, со поголема издржливост во горниот дел од телото ќе ви биде полесно да направите некои домашни работи, но и да носите потешки работи. Со зголемување на оваа издржливост, ќе добиете дополнителни кардиоваскуларни придобивки од вежбањето, а тоа носи многу важни здравствени придобивки за вашето тело – од подобрено расположение, намален ризик од дијабетес и одредени видови на рак, како и подобрена функција на срцето. Покрај тоа, мускулната издржливост ќе ви овозможи уживање во низа активности како што се пешачење и повеќечасовни прошетки.

Можете да се тестирате за да ја измерите издржливоста на мускулите. На пример, за мускулна издржливост на горниот дел од телото, обидете се да направите што повеќе склекови – колку што можете подолго, или колку што можете повеќе стомачни за три минути. Значи, вие всушност тестирате колку повторувања можете да извршите со товарот. ДеАнис Дејвис Брукс, овластен психолог за вежбање, истакнува дека лицето кое може да направи повеќе за одредено време има повисоко ниво на издржливост затоа што е во состојба побрзо да ги контрахира мускулите кога ќе се уморат.

Ако сакате да ја подобрите вашата мускулна издржливост, важно е да изберете одредена мускулна група на која сакате да работите. Со текот на времето, вашето тело исто така ќе направи физиолошки промени за да овозможи што повеќе повторувања. Се разбира, за ова ќе мора да бидете трпеливи за да ги видите резултатите. Како и да е, како што истакна Брукс, не вршете ваков вид тренинг секој ден затоа што спаѓаат во категоријата вежби за сила, а општата препорака за оваа категорија е да се одморите најмалку 48 часа пред да работите со иста група на мускули – овој интервал им дава на мускулите одмор потребен за зајакнување. Најдобрата комбинација е да се работи на мускулната издржливост на горниот дел од телото во понеделник и среда, а мускулната издржливост на горниот дел од телото во вторник и четврток.

Прочитајте и: Долготрајното седење подобрете го со оваа петминутна вежба

ФОТО: Pixabay