Губењето тежина зависи од темпото со кое тренирате: Еве што треба да знаете
Со кои вежби топите маснотии?
Многумина се прашуваат кои вежби се најдобри за губење на вишокот килограми, а има голем број диети тврдат дека се многу ефикасни. Меѓу теориите за фитнес е дека вежбањето што го крева срцевиот ритам за 60 проценти ќе го доведе вашето тело во фаза на топење на маснотиите или т.н. зона на согорување на маснотиите, што е оптимално за губење на тежината.
Како тогаш можеме да знаеме во кој момент телото се префрла од употреба на маснотии во употреба на јаглени хидрати? Научниците наведуваат како да процените колку маснотии користите за енергија за време на различни интензитети на вежбање. Во зависност од тоа колку воздух издишуваме за време на вежбата, може да се пресмета релативниот придонес на маснотиите и јаглените хидрати потребни за таа вежба со различен интензитет. Највисокото ниво на потрошена маст се нарекува „максимална стапка на оксидација на маснотии“ (МФО), а интензитетот на кој се одвива ова се нарекува „ФАТмакс“. Истражувањата покажаа дека доколку некое лице користи 40 до 70 проценти од максималната количина на кислород за време на вежбање, стапката на согорување на маснотии и јаглени хидрати се зголемува. Стапката на согорување на маснотиите започнува да паѓа со поголем интензитет, бидејќи на организмот му е потребна енергија побрзо.
Така, зоната на „согорување на маснотиите“ се јавува помеѓу 50 до 72 проценти од максималната количина кислород. Но, исто така, студиите покажаа дека можноста да се стопат маснотиите е поврзана со генетското наследство, а оваа зона е исто така помала кај луѓето со прекумерна телесна тежина и се движи од 24 до 46 проценти од максималниот кислород, додека тие бројки се многу повисоки кај спортистите.
Дополнително прашање е колку масти всушност топиме за време на тренингот, ако го изразиме во грамови во минута. Одговорот е: исклучително малку. Дури и кај спортистите, студиите покажуваат дека учесниците стопиле само 0,5 грама во минута, што одговара на количина од 30 грама на час. Кај просечните луѓе, оваа вредност е уште пониска, па затоа варира од 0,1 до 0,4 грама во минута. Затоа, иако вежбањето во зоната на согорувањето на мастите ќе помогне, може да објасни зошто на некои луѓе им е потешко да ја достигнат својата идеална тежина и покрај редовното вежбање.
Поврзани објави
Но, постојат докази дека одреден вид диета, како што е кетогена диета или повремено постење, како и подолго вежбање може да ја зголемат количината на согорени маснотии. Можеби дојде време да не го гледаме „топењето маснотии“ како зона, но како индивидуална точка што може да послужи за оптимизирање на вежбање и губење на тежината. Редовната физичка активност во таа индивидуална точка што се јавува кога чувствувате напор за време на умерено вежбање, на 30 до 60 проценти од вашата максимална сила, може да ја зголеми ефикасноста на вашето тело во користењето на масните наслаги за енергија, и на крајот ќе доведе до намалување на телесните масти.
Прочитајте и: Можете да вежбате и на работа, а еве како
ФОТО: Pexels