„Ќерка ми исчезна, но веднаш ја најдов на неверојатен начин“: Само извикнете ги следниве зборови и сите ќе се кренат на нозе!

Кога детето ќе му исчезне од пред очи, секој родител почнува да паничи во истиот момент, но една мајка успеала да го лоцира своето дете за само неколку минути со помош на една корисна техника. Имено, фотографката Криста Пајпер ја одвела ќерка ѝ во огромна затворена игротека, со намера да поминат интересно попладне заедно. Но забавата се претворила во агонија.

Додека разговарала со друга мајка, нејзината ќерка одела напред-назад меѓу различни делови за игра, но кога се свртела да ја провери, ја немало никаде. Веднаш почнала да паничи, но потоа одеднаш ѝ се „вклучила сијаличката“ и се сетила на едно ТикТок-видео од жена која го изгубила детето во супермаркет и го пронашла со техниката „гласно гледање“.

За каква техника станува збор?

Наместо да го извикне името на својот син, мајката во тоа ТикТок-видео гласно ја опишала облеката што ја носел дента и успеала да го пронајде многу побрзо, бидејќи другите луѓе можеле да ѝ помогнат во потрагата.

„Па, така и направив. Престанав да го извикувам нејзиното име и почнав да викам: ‘девојче, розова кошула, розова Мини Маус кошула’! Сигурна сум дека луѓето си помислија дека сум малку луда, неа веројатно ја немаше само една минута, можеби минута и пол, но мене тоа ми се чинеше како цела вечност“, раскажала Криста.

@krista.piper I lost my 3 year old todah in a play place and thank god for tiktok – I’m so happy i saw that tiktok of what to do when your kid goes missing. I found her fast by raising my voice and saying a description of what she was wearing. Should have added her age or hair color but the description if little girl with pink minnie mouse shirt got thr job done finding her. #parents #parentsoftiktok #playplace ♬ original sound – Krista | Booktok | Home life

Кога размислила подобро, напоменала дека можела да додаде и описи како што се возраста на Лили или бојата на косата, но тоа било најбрзото нешто што се сетила да го каже во моментот.

Откако почнала да го извикува описот, и други родители почнале да го повторуваат и, за среќа, една мајка ја забележала, сето тоа благодарение на способноста за брзо размислување на Кристи.

„Ако некогаш го изгубите своето дете, извикајте го нивниот опис, повишете го тонот. Знаете, веројатно изгледав како луда жена, но брзо се реши ситуацијата. Извикувањето на нивното име не помага, бидејќи никој не знае која е таа, но можат да препознаат тригодишно девојче во розова кошула и сини фармерки“, објаснила Кристи и додала дека на нејзината среќа ѝ немало крај кога ја прегрнала својата ќеркичка.

Совет на познат педијатар што би требало да го запаметат сите родители: Еве како вашето дете може многу лесно да стане самостојно!