НАЈДОБРИОТ ТАТКО! Бекам ја однел ќерката на гала-спектакл во Венеција и Интернет се „стопи“ од слаткост: „Таа е дефинитивно татина принцеза“

Дејвид Бекам многупати покажа каков татко е и колку е приврзан за својата ќерка Харпер, која воедно е и најмалото дете во семејството. Прославениот фудбалер и ова 10-годишно девојче често уживаат во заеднички активности, од одење на ручек и сладолед, преку спортски натпревари до гламурозни настани.

Дејвид и Харпер присуствуваа на гала театарскиот спектакл во Венеција, каде што престојуваат веќе неколку дена, а се чини дека гордиот тато не можел да има послатка, но и повесела придружба!

Додека овој Британец изгледаше многу елегантно во црн костум, девојчето го украде шоуто благодарение на огромната насмевка на своето лице, која се протегаше од уво до уво, но и прекрасниот фустан сличен на оној за принцези!

Харпер избра фустан во розови и виолетови нијанси, а оваа креација која потсетува на онаа од „Заспаната убавица“, е со потпис на брендот Zimmermann и чини дури 1.600 фунти.

Инаку, тато и ќерката пред неколку дена беа фотографирани за време на забавно возење со гондола низ Венеција, а фотографиите на кои Дејвид ја гушка и бакнува ќерка си во глава ги разнежнија светот, па Интернет беше преплавен со коментари на воодушевените жени.

Прекрасни слики, можете да видите колку е среќна“, „Толку прекрасна врска меѓу татко и ќерка“, „Еве како да ги направите најубавите спомени од детството“, „Тие се толку слатки“, „Прекрасна, среќна девојка која ужива да биде со нејзиниот татко!”, „Совршената сцена“, „Таа е навистина сакана девојка“, се само дел од коментарите.