Заборавената ќерка наполнила 16, а не го видела татко ѝ 10 години: „Том, дали ти е срам и дали би ја препознал?“

Дали ви се верува дека Сури Круз веќе има 16 години? И дека нејзиниот татко знае како таа изгледа само благодарение на папарацо-фотографиите? Девојчето, сега веќе тинејџерка, вчера славело роденден и верувам дека мајка ѝ, Кејти Холмс, приредила незаборавна забава. По разводот од Том Круз, актерката речиси и да заборавила на кариерата за да ѝ се посвети на ќерката. Но кога станува збор за родителство, Кејти апсолутно ги заслужува сите „оскари“ на светот.

Се зборува дека ѕвездата од „Топ Ган“, „Невозможна мисија“ и други акциони хитови, го нема видено своето единствено биолошко дете од 2013 година. Наводно, забранет му е секој контакт со неа, бидејќи таа не е членка на сајентолошката црква, што неофицијално било и причината за неговата разделба со Холмс. Од друга страна, се зборува дека многу е близок со децата што ги посвоил во бракот со Никол Кидман, бидејќи и тие се следбеници на споменатата секта. Австралиската „оскаровка“, пак, нема контакт со Изабела и Конор, бидејќи тие ѝ го свртеле грбот поради сајентологијата.

Во секој случај, има кој да се грижи за Сури. Кејти не ја испуштала од вид ни од рака додека била мала, а сега сé почесто ја гледаме сама на њујоршките улици. Велат дека многу личи на мајка ѝ, иако има и нешто на тато. Учи во угледно средно училиште, се вози со метро и моментално не покажува желба да продолжи по актерските стапки на нејзините родители.

Том Круз никогаш не се борел за старателство над ќерката: Еве зошто кренал раце од Сури!