FOKABO: Градска модна приказна со театарскиот режисер Милош Андоновски во главната улога
Убавина и стил
Историја вредна за восхит – „Фокабо“ одбележува голем јубилеј, 55 години постоење
Инспирирани од машкиот изглед на црвениот килим, во соработка со „Фокабо“ и театарскиот режисер и професор Милош Андоновски, претставивме наша визија на модерниот џентлмен.
НОВА КОЛЕКЦИЈА
Покрај доминантното промовирање на минимализмот во машката мода претходните сезони, дизајнерите почнаа да се оддалечуваат од овој тренд и да се впуштаат во нова игра на трендови, која ќе ја промовира самодовербата на мажот. Во новата колекција на „Фокабо“ ќе пронајдете голем избор на кошули и костуми во различни кроеви.
Во пресрет на матурските прослави и венчавки, во согласност со трендовите, колекцијата е надополнета со голем избор на необични, модерни бои и дезени. Целиот изглед можете да го комплетирате на самото место со квалитетни чевли и модни додатоци. Костумите на „Фокабо“ се изработени од природни и комбинирани материјали, а изборот е неограничен и приспособен за сечиј буџет.
ИСТОРИЈА ВРЕДНА ЗА ВОСХИТ
„Фокабо“ одбележува голем јубилеј – 55 години постоење. Од основањето во 1969 година, култниот бренд е секојдневен моден избор на многу бизнисмени, јавни личности и деловни луѓе. Господата често го посетуваат култниот продажен салон на „Фокабо“ во Градскиот трговски центар за да се стилизираат и за големи градски манифестации како и за важните лични прослави.
Машките кошули и софистицираните костуми се парчиња кои се темел на кој се гради машкиот стил. Тие ги преживеаја променливите трендови и остануваат суштински во гардеробата на секој маж кој ги цени квалитетот, функционалноста и беспрекорниот изглед, а токму тоа е тајната на долготрајноста на „Фокабо“.
ПОДГОТВИЛА: Јована Стојменовиќ
ОРГАНИЗАЦИЈА И РЕАЛИЗАЦИЈА: УБАВИНА&ЗДРАВЈЕ
ФОТО: БОДАН ПЕТРОВСКИ
МОДЕЛ: МИЛОШ АНДОНОВСКИ
ЛОКАЦИЈА: ГТЦ, Fokabo
Коментарите се заклучени.