Најмодерни фустани за пролет 2024: Едноставно се неодоливи…

Пролетта и летото секогаш ги поврзуваме со фустаните кои нетрпеливо чекаат да помине зимата. По правило, повеќето брендови ги прикажуваат своите нови сезонски колекции веќе во јануари и февруари, па девојките купуваат многу пролетна и летна облека.

Оваа година во тренд се цветните принтови, интензивните розови, небесно сините и зелените нијанси. Изберете фустани со опуштен крој, но и асиметрични и проѕирни. Доколку ве интересира кои се овие трендовски пролетни фустани, продолжете да скролате.

Кои се најмодерните фустани за пролет 2024?

Мини фустани

Силуетите од 1960-тите се повторно во мода – станаа дел од многу колекции на модните недели во Њујорк, Лондон, Милано и Париз. Главни карактеристики: отворени раменици, кратка должина и истакната силуета, кои на аутфитите им даваат женственост, романтичност, воздржаност и сензуалност во исто време. Минатата година, сите девојки ги сменија своите макси-фустани со мини-фустани, на што влијаеше Кендал Џенер, која се појави во облека слична на некогашниот иконски стајлинг на Кери Бредшо, хероината од серијата „Сексот и градот“.

Проѕирни фустани

Денес никого нема да изненадите со ваква облека: уличниот стил изобилува со „голи“ фустани, кои некогаш беа резервирани само за гала-настаните и црвениот тепих. Денес, главните светски модни икони Хејли Бибер, Кајли Џенер, Бела Хадид, Ирина Шајк, Емили Ратајковски во сите пригоди носат проѕирни фустани. Оваа пролет можете да ги носите со патики, балетанки, чизми до глужд…

Тесни фустани

Најновите трендови не промовираат само луксуз туку и сексипилност, па тесните кроеви и тесните фустани се повторно во тренд. Можете да пробате и модели со мини-должина и долги варијанти.

Цветен принт

Цветниот принт може безбедно да се нарече главен во секоја пролет-лето сезона. Сепак, секоја година трендот се менува: еднаш модните брендови избираат да ги украсуваат со големи рози, божури или лилјани, а еднаш со ситни ливчиња и пупки. Во 2024 година и двете опции се во тренд, но ви препорачуваме да изберете крој врз основа на пропорциите на вашата фигура. Ако сакате да изгледате вито и да ги прикриете проблематичните делови, тогаш изберете фустан со ситен дезен.

Фустан-кошула

Во новата сезона, брендовите му го враќаат поранешниот сјај на кошула-фустанот, и тоа со добра причина. Трендовите за 2024 година ги фаворизираат моделите со асиметричен крој, плисирани фустани, со подолги ракави, ремени од тантела, груби јаки… Снежана боја е во тренд – пробајте ги и доближете го летото.

Фустани со тенки прерамки

Уште еден сезонски тренд, кој никогаш нема да излезе од мода, се фустаните со тенки прерамки.

Модерни се и кратки и долги фустани со тенки прерамки.

Текст: Наташа Човиновска