Ако варивото го приготвувате за утредента, павлаката додајте ја непосредно пред сервирањето
Состојки:
- 1 поголема главица црвен кромид
- 2 моркова
- 1 пашканат
- 200 г шампињони
- 2 млади тиквички
- 200 мл павлака за готвење
- 1 лажица исечени свежи зачини
- 2 л вода
- 2 лажици густин
- пипер
- сол
- масло
Приготвување:
1. Црвениот кромид се чисти и се сече на коцки, морковите и пашканатот се лупат и се сечат на големи парчиња.
2. Тиквичките се лупат и исто така се сечат на коцки, а шампињоните на ливчиња.
Поврзани објави
3. На малку масло се пропржува црвениот кромид, а потоа се додаваат морковите и пашканатот, па добро се меша и се остава сето тоа заедно кратко да се пржи. Потоа се динста, долевајќи по малку течност, додека омекне зеленчукот.
4. Потоа се додаваат шампињоните и тиквичките, се сипува вода да се покрие зеленчукот и се вари додека омекне.
5. Пред крајот на варењето се става павлката за готвење и се додаваат зачини по желба.
6. Густинот се мати со малку вода и става во варивото, па се вари на умерена температура десетина минути, додека варивата ја добие посакуваната густина.
Побарајте уште вакви вкусни рецепти во најновиот број на магазинот „Добра храна“!
