Зеленчукот можете и да го матите со миксер или, пак, да го изгмечите како пире
Состојки:
- 1 поголема главица црвен кромид
- 3 моркови
- 2 компира
- 150 г млад грашок
- 1, 5 л вода
- 200 мл пасирани домати
- 1 лажиче зачини
- пипер
- сол
Приготвување:
1. Црвениот кромид се чисти и се сече на парчиња, морковите и компирите се лупат и се сечат на коцки.
Поврзани објави
2. На малку масло се пропржува црвениот кромид, а потоа се додаваат морковите, па сето тоа добро се промешува.
3. Се додаваат грашокот и компирите, па се продолжува со динстање, долевајќи по малку вода, додека омекне зеленчукот.
4. Потоа готовиот зеленчук со малку од течноста се ситни во електричен секач и се враќа во садот. Се сипуваат вода и пасираните домати, се додаваат зачини по желба, па сето тоа заедно кратко се вари.
Побарајте уште вакви вкусни рецепти во најновиот број на магазинот „Добра храна“.
