Полнетото филе можете да го испечете и на скара или во поголема тава
Состојки:
- 1 поголемо свинско филе
- 1 лажица сенф
- 3 парчиња печени пиперки
- 100 г кашкавал
- 60 г пршута
- 1 дланка млад спанаќ
- пипер
- масло
- сол
Приготвување:
1. Свинското филе се чисти од маснотијата и се засекува по должината. Потоа се отвора, се прекрива со пластична фолија и се истенчува со толчник во поголема шницла.
2. Приготвената шницла се посолува и се запиперува, па се премачкува со сенф.
Поврзани објави
3. По должината на едниот крај се распоредуваат листовите кашкавал, прекунего се нанесуваат парчињата печени пиперки, потоа резанките пршута и на крајот се посипува со младиот спанаќ.
4. Страничните делови од месото се преклопуваат 2 см кон средината, па шницлата се витка во ролат.
5. Плехот за печење се обложува со хартија за печење и се попрскува со масло. Во него се става полнетото филе со краевите свртени надолу.
6. Се премачкува со малку масло и се пече во загреана рерна на 200°С, додека порумени месото.
Извор: Добра храна
Доколку, сепак, постите, ви предлагаме да пробате крап печен во рерна!