Наместо да купувате, направете го највкусниот хамбургер сами!
Состојки:
- 1,2 кг свински врат без коски
- 4 лажици мајонез
- 2 лажици сенф
- 1 главица црвен кромид
- 4 чешниња лук
- 1/2 лажиче босилек
- 1/2 лажиче оригано
- 2 лажици кафен шеќер
- 1 лажица мелен пипер
- 2 дл јунешка супа
- 200 мл доматен сок
- 1 лажиче густин
- 2 лажици сос ворчестер
- 15 домашни лепињи
- црн пипер
- сол
- масло
Приготвување:
1. Свинското месо од врат добро се посолува.
2. Посебно се соединуваат мајонезот, сенфот, ренданиот црвен кромид и лук, босилекот, ориганото, мелениот пипер и шеќерот.
Поврзани објави
3. Со добиената маринада се премачкува месото, се обложува со пластична фолија и се остава да преноќи во фрижидер.
4. Утредента месото се вади од фолијата и се поставува во плех за печење обложен со хартија за печење. Во плехот за печење се додава јунешката супа, па се прекрива со фолија и се пече во загреана рерна на 150°С, шест часа.
5. Потоа се зголемува температурата на 180°С и се продолжува со печење уште половина час. Потоа се отстранува фолијата, па месото се запекува уште половина час.
6. Сосот од печењето се цеди, се додаваат во него доматниот сок, густинот и сосот ворчестер и добро се меша. Се посолува и се запиперува по желба, па се вари додека зоврие.
7. Месото со виљушка се раздвојува на помали парчиња. Лепињите се полнат со месо и салата по желба.
Извор: Добра храна
Прочитајте и како се приготвува свинско месо на селски начин!