Совршено вкусно и миризливо летно јадење, кое се приготвува брзо и изобилува со летни ароми. Секако, наместо булгур можете да користите ориз, просо, киноа или мали тестенини.
Состојки:
300 г грашок
150 г булгур
1 кромид
3 чешниња лук
сок и кора од 1/2 лимон
3 + 2 лажици маслиново масло
ѓумбир по вкус
неколку листови босилек
1/2 китка магдонос
2 лажици тахини
сол и бибер по вкус
чили-пиперка по желба
неколку листови нане
Приготвување:
Сварете го булгурот според упатството и исцедете го. Грашокот бланширајте го кратко и префрлете го во ладна вода за да ја задржи убавата боја. Исечкајте половина од грашокот во блендер.
Во помал сад, ставете ги ситно сечканите тревки, лукчето, ѓумбирот, пиперчето, босилекот и магдоносот. Загрејте три лажици маслиново масло, а потоа прелијте го ова масло врз смесата од билки и лук.
Поврзани објави
На преостанатите две лажици маслиново масло пропржете го ситно сечканиот кромид, а кога ќе омекне, додајте ја смесата од масло и зачини, грашокот и изблендираниот грашок. Сè убаво измешајте, па додајте го тахинито разматено во малку вода и сок од лимон.
Однапред изрендајте ја кората од лимон, па додајте ја во садот и на крај вмешајте го сварениот булгур. Посолете, побиберете, посипете со малку сечкано свежо нане и уживајте.
Текст: Добра храна