Обожавате крцкави компири, печени во рерна? Омилено јадење ви е пица? Зошто да не ги споите двете омилени јадења во едно! Еве како…
Потребни состојки:
- 4 средни печени компири
- 2 лажици путер
- прстофат сол и бибер
- 16 парчиња тенко исечен кулен (или друг вид сувомесен производ)
- 250 г рендана моцарела
- 250 мл доматно пире
- 1 лажичка италијански микс од зачини (бибер, нане, оригано, лук, босилек, сушен кромид, сушен магданос, семе од целер)
Приготвување:
1. Испечете ги компирите со лушпата и оставете ги да се оладат.
2. Откако ќе се подоладат, пресечете ги на половина по должина и издлабете им ја средината. Средината искористете ја за некое друго јадење.
Поврзани објави
3. Растопете го путерот и со четка намачкајте ги компирите од сите страни.
Потоа ставете им сол и бибер по вкус и попечете ги на скара или на плотна, за да станат крцкави. Убаво испечете ги од двете страни и внимавајте да не ви изгорат премногу.
4. Откако ќе ги тргнете од скарата, наполнете ги со моцарела и одозгора ставете 2 парчиња кулен. Ставете малку и од мешаниот зачин.
5. Потоа, вратете ги компирите повторно на скара, но овој пат многу пократко, само да се растопи моцарелата.
6. Послужете ги со доматно пире.