2 едноставни напивки што ќе ве згреат за време на студените зимски денови
И ќе ви ја вратат енергијата!
Во зима мораме дополнително да го загреваме нашиот организам, а за тоа се идеални топлите напитоци. Двата се едноставни за подготвување, а имаат посебен вкус.
Изберете вкус на банана или пак вкус на кафе.
Банана-пунч
- 150 мл сок од банани
- 2 лажички кафеав шеќер
- половина стапче цимет
- 20 мл сок од цеден портокал
- 40 мл рум
- парчиња банана
Приготвување:
Сокот од банани се готви заедно со кафеавиот шеќер и циметот на топол оган. Откако ќе се тргне смесата од оган, се остава да се подолади неколку минути. Потоа се додава сокот од цедениот портокал и се меша со направената смеса.
Пијалакот се служи во висока чаша, а по желба се прелива со рум и се декорира со парчиња банани.
Поврзани објави
Зимско кафе
Потребни состојки:
- 25 г чоколадо за готвење
- 125 мл млеко
- 1 лажица кафеав шеќер
- 1 лажиче цимет
- 1 лажиче инстант кафе
- 100 мл слатка павлака или шлаг
Приготвување:
Млекото се става на оган и се остава да зоврие. Откако ќе зоврие во него се додава чоколадото за готвење, кафеавиот шеќер и циметот и се меша континуирано околу 10 минути. Потоа се додава кафето и се меша уште 1 минута.
Како последна состојка се додава изматената слатка павлака или шлагот и полека се меша. Добиената смеса се послужува додека е топла во широка шолја и се декорира со малку цимет.
Фото: Getty Images