Посни полнети компири: Вкусни и зачинети, а веќе ги имате сите состојки!

Посни полнети компири се јадење кое се подготвува брзо и лесно, а е пикантно и воодушевува со својот вкус. Ако сте вистински гурман, многу ќе ви се допадне овој рецепт.

Состојки:

• 1 кг компири (6 или 7 компири)
• 1 морков
• 1 кромид
• 4 лажици ајвар или лутеница
• 1 црвена пиперка

Подготовка:

Измијте ги компирите, па сварете ги. Оставете да омекнат, не ги варете до крај. Излупете ги компирите и извадете ја средината со лажица. Не го фрлајте делот што сте го извадиле, ќе го користите подоцна. Кромидот и морковот исечкајте ги на ситни парчиња и пржете ги во тава со многу малку масло. Додадете ја пиперката исечкана на коцки и пропржете. Доволно е да омекне зеленчукот. Кога зеленчукот ќе омекне, додадете ајвар или лутеница и дел од компирите кои сте ги отстраниле. Измешајте ги состојките.
Наполнете ги издлабените компири со смесата, па печете во загреана рерна на 180 степени околу 30 минути.