5 старински јадења на лажица што треба да ги јадете барем еднаш неделно: Ручек од понеделник до петок!
Одлична идеја за ручек за цела недела
Старите, традиционални јадења се многу вкусни, а освен тоа, здрави се и лесно се приготвуваат
Наш предлог за неделно мени се традиционалните јадења на лажица, кои ни ја греат душата во текот на првите есенски денови.
ПОНЕДЕЛНИК: Пиперкаш со компири
Состојки:
- 1 главица кромид
- 2 пилешки батаци
- 1 морков
- 500 г компир
- 1 пиперка
- 1 домат
- сол и бибер
- сува зачинска пиперка, врзоп свеж магдонос
Приготвување:
Издинстајте кромид, пиперка, домат и рендан морков. Додајте месо и сипете вода. Додајте компир и зачини и гответе додека сето тоа убаво се зготви. Додајте свеж магдонос и тргнете го јадењето од рингла.
ВТОРНИК: Босански лонец
Состојки:
- 1 кг месо
- 1 кг свежа зелка
- 1/2 кг компир
- 250 г разен зелен зеленчук
- 150 г зрел домат
- 150 г кромид
- 100 г сува сланина
- 20 г лук
- 5-6 зрна бибер
- 2 пиперки
- 1 лажиче сува зачинска пиперка
- лист од магдонос и целер
- сол
Приготвување:
Динстајте ги кромидот, морковот, зеленчукот, доматот и сланината. Додајте месо и зачини. Потоа, наредете компир и зелка и сипете вода. Гответе два часа додека јадењето биде убаво зготвено.
СРЕДА – Грав
Состојки:
- 2 главици кромид
- 2 моркова
- 2 пашканата
- 500 г грав
- сол и бибер, црвен пипер
Приготвување:
На масло продинстајте рендан морков, пашканат и кромид. Додајте измиен грав и сипете вода. Гответе околу час и половина, додајте зачини и лук и тргнете го од рингла.
ЧЕТВРТОК – Боранија
Состојки:
- 1 главица кромид
- 1 пакување зеленчук за супа
- 500 г млада боранија
- 350 г пилешко месо
- 100 сланина
Приготвување:
Исчистете ја и сварете ја боранијата. Во подлабоко тенџере, продинстајте кромид и зеленчук, а потоа додајте месо и динстајте. Додајте боранија и сипете вода. Додајте зачини по желба и свеж магдонос. Сето тоа гответе го околу еден час.
ПЕТОК – Полнети пиперки
Состојки:
- 500 г мелено месо
- 1 главица кромид
- 100 г ориз
- 2 рендани моркови
- зачини по желба
- 10 поголеми пиперки
- 500 мл доматен сок
Приготвување:
Исчистете ги пиперките од петелки и семки и измијте ги. Во подлабока чинија измешајте месо, сечкан кромид, рендан морков, измиен ориз, сол, бибер, куркума и свеж магдонос. Сето тоа измешајте го и наполнете ги пиперките со смесата. Пиперките наредете ги во лонец, сипете доматен сок и малку вода и гответе околу 45 минути.
Коментарите се заклучени.