3 детокс-чорби што ќе ви го прочистат телото од тешката храна: Брзо заситуваат, а можете да ги носите и на работа!
Многу лесно се приготвуваат
По празниците, време е за лесна храна што не го оптоварува телото
Рецептите за детокс-чорби секогаш се едноставни и лесни за приготвување. Најдобро е што ваквите чорби можете да ги понесете и на работа, во термос-шишиња или чаши и комплетно да го прочистите телото. Во продолжение ви предлагаме 3 рецепта за детокс-чорби.
1. Чорба од тиквички и леќа
Состојки:
- 1 главица кромид
- 1 тиквичка
- 1 шолја леќа
- многу свеж магдонос
- сол, бибер, масло
Приготвување:
На малку масло продинстајте ги кромидот и тиквичките, па додајте вода и леќа. Потоа, гответе го сето тоа околу 15 минути. Додајте зачини и магдонос, па иситнете со миксер. Ако чорбата е премногу густа, разредете ја со вода. Послужете ја со неколку капки лимон, бибер и малку црвен пипер.
2. Чорба од зелка
Состојки:
- 1 главица кромид
- половина главица свежа зелка
- многу свеж магдонос
- 1 шолја црвена леќа
- 1 црвена пиперка
- сол, бибер, масло, ким, куркума
Приготвување:
Издинстајте го кромидот, па додајте црвена пиперка и магдонос. Кога сето тоа ќе се издинста, додајте ситно сечкана зелка, измиена леќа и зачини. Измешајте го сето тоа, па сипете вода. Кога ќе зоврие, гответе уште 15 минути. Иситнете со миксер и послужете ја топла.
3. Чорба од три состојки
Состојки:
- компир
- кромид
- брокули
- сол и бибер
Приготвување:
Прво издинстајте го зеленчукот малку на масло, па сипете вода и гответе околу 20 минути. Изблендирајте ја смесата со миксер и послужете ја топла.
Подеталните упатства за рецептите можете да ги погледнете во видеото во продолжение..
Коментарите се заклучени.