Велигденски десерт без јајца и без печење: Сочен и кремлив колач што се прави за 30 минути!
Пробајте!
Велигденскиот колач може да се приготви брзо и лесно, а овој рецепт е доказ за тоа
Доколку сте во брзање и не можете да постигнете со сè, ви предлагаме да приготвите колач од вишни и ванила, кој се топи во уста.
Состојки:
- 4 пакувања пишкоти
- За филот со вишни:
- 600 г вишни
- 300 мл сок од вишни
- 6-8 лажици шеќер
- 3 лажици густин
- 50 г путер или маргарин
За филот од ванила:
- 600 мл млеко
- 2 пудинга од ванила
- 10 лажици шеќер
- 200 г путер или маргарин
- 50 г кокос
- 100 г изматен шлаг-крем
За глазурата:
- 200 г црно чоколадо
- 180 г слатка павлака
Приготвување:
Прво, пригответе го филот така што ќе го сипете млекото во тенџере. Ставете 8 лажици шеќер во млекото, па оставете го да зоврие. Сварете го пудингот во млекото. Тргнете го пудингот на страна. Кога пудингот ќе се олади малку, додајте путер и измешајте. Додајте и 50 г кокос во смесата. Префрлете го тоа во садот и оставете го да се олади.
Пригответе го филот од вишни така што во сокот од вишни ќе додадете густин и шеќер и потоа ќе го оставите шеќерот да се стопи. Додајте ги вишните и сето тоа сварете го за да добиете соединета смеса. Во оладениот фил додајте 50 г путер.
Филувајте го колачот така што ќе ставите слој пишкоти потопени во млеко, па ќе ставите од жолтиот фил, потоа од црвениот, па повторно пишкоти и сè така додека го потрошите материјалот. Сето тоа прелејте го со фил од чоколадо и слатка павлака и оставете го колачот еден ден добро да ги впие состојките.
Оладете го и послужете го!
Коментарите се заклучени.