Старински колач со вишни: Најубавиот рецепт од готвачот на баба!

Нема кој не пробал колач со вишни по рецепт на баба. Мек пандишпан, полн со сочно овошје, а приготвувањето е многу едноставно. Надополнете го ручекот со десерт што ќе исчезне од трпезата со брзина на светлината.

Состојки:

• 5 јајца
• 300 г шеќер
• 1 кесичка ванилин шеќер
• 300 г брашно
• 200 мл јогурт
• 150 мл масло
• 1 кесичка прашок за печиво
• 500 г вишни
• 30 г гриз

За посипување:

• шеќер во прав

Приготвување:

Матете ги јајцата со миксер додека станат пенести. Постепено додавајте шеќер и ванилин шеќер. Матете додека се стопи шеќерот и убаво се соедини. Постепено додавајте јогурт и продолжете со матење. Потоа, додајте масло и матете уште малку.

Намалете ја брзината на миксерот на најниска. Постепено, лажица по лажица, додавајте просеано брашно. На крајот, додајте прашок за печиво и продолжете уште малку со матење додека се соедини смесата и се разбијат грутките.

Сипете ја смесата во подмачкан и набрашнет плех, со димензии 39х25 см. Исчистете ги вишните од семки и исцедете ги од вишокот течност. Посипете ги со гриз и извалајте ги малку. Наредете ги така подготвените вишни во плехот. Можете да втиснете по некоја вишна, а некои можете да ги оставите на врвот, зависи каков сакате да ви биде колачот.

Печете го колачот во претходно загреана рерна на 180 степени, 30-35 минути. Пресечете го на коцки и посипете го со шеќер во прав.

Колач со вишни што ќе ве воодушеви: Готов за миг, а толку сочен и вкусен!