Сочен и здрав колач од јаболка и портокал, со црно чоколадо и бадеми: Без брашно и вештачки шеќери

Состојки:

• 5 јаболка
• 2 зрели банани
• 200 г овесни снегулки
• 150 г бадеми
• 2 лажици какао во прав
• грст суво грозје
• 1 лажиче прашок за печиво
• 1 лажица мед
• рендана кора од лимон и од портокал
• 1-2 лажички цимет
• сок од половина портокал и половина лимон
• 30 мл маслиново масло

За преливот:

• сок од половина портокал и лимон
• 3-4 лажици мармелад од вишна или портокал
• темно чоколадо
• сечкани бадеми

Приготвување:

Исчистете ги и изрендајте ги јаболката. Згмечете две зрели банани и измешајте ги со јаболката. Овесните снегулки, какаото и бадемите иситнете ги во сечко додека добиете текстура на брашно. Добиената смеса измешајте ја со јаболката и бананите. Во смесата додајте ги преостанатите состојки (суво грозје, прашок за печиво, мед, кора од лимон и портокал, цимет, сок од лимон и портокал и маслиново масло).

Сето тоа добро измешајте го и ставете го во загреана рерна на 180-200 степени Целзиусови, 35-40 минути. Кога ќе се испече, веднаш ставете го преливот.

За преливот, исцедете сок од портокал и лимон. Во сокот додајте мармелад и промешајте. Премачкајте го колачот со подебел слој од преливот. Потоа, стопете 60 г темно чоколадо, прелејте го одозгора и убаво распоредете го преливот. Посипете сечкани бадеми.

Карамела со пржени бадеми: Вкусот на детството, а толку здрав и лесен за подготовка (ВИДЕО)