Одличен рецепт за љубителите на јагоди и кекс, кој лесно се приготвува, не треба да се пече, а за вкусот да не дискутираме. Пробајте го!
Состојки:
2 поголеми пакувања плазма-бисквити
100 г пудинг од ванила
1 л млеко
2 ванилин шеќери
1 маргарин
8 лажици шеќер
5 лажици шеќер во прав
1/2 кг јагоди
150 г шлаг
2 дл кисела вода
1/2 л сок од портокал
Приготвување:
Сварете го пудингот со шеќерот и млекото и оставете го да се излади.
Изматете го маргаринот со шеќерот во прав, изладениот фил и додајте сечкани јагоди и ванилин шеќер.
Бисквитите потопувајте ги во сокот од портокал и редете ги по работ на калапот и на дното. Сипете половина од филот, наредете натопени бисквити, па сипете ја втората половина од филот.
Исечете ги врвовите на бисквитите и наредете ги на врвот.
Фото: Милан Живковиќ