Најмеките домашни кроасани што некогаш сте ги пробале: Се топат во уста! (ВИДЕО)
Рај за непцата
Одличен рецепт што ќе ви помогне да ги приготвите најубавите и најмеките кроасани
Меки, нежни, воздушести кроасани што се топат во уста. Кроасаните направени дома можат да бидат исто толку меки и вкусни како купечките, а можете и да ги филувате по ваш вкус, со чоколадо или џем, на пример.
Состојки:
- 2 јајца
- 4 лажици шеќер
- 300 мл млако млеко
- 50 г стопен путер
- 670 г брашно
- 10 г сув квасец
- 1 лажиче сол
Приготвување:
Поврзани објави
- Во сад скршете две цели јајца, додајте шеќер, топло млеко, стопен путер и сето тоа добро измешајте го, па додајте брашно, квасец и сол.
- Добро замесете ги сите состојки додека добиете хомогена смеса и оставете ја да отстои 90 минути.
- Потоа, повторно премесете го тестото и поделете го на два дела.
- Рамномерно расучете го со сукало, премачкајте го со стопен путер и пресечете го на еднакви триаголници.
- Секој од нив внимателно расечете го со нож во должина, само по работ и потоа завиткајте го во кифличка.
- Истата постапка повторете ја со другата половина од тестото.
- Наредете ги во плех обложен со хартија за печење и оставете ги да отстојат 25 минути.
- Пред печење, премачкајте ги со смеса од една жолчка и малку млеко.
- Ставете ги во претходно загреана рерна на 220 степени и печете ги 20 минути.
- Кога ќе бидат готови, додека уште се топли, премачкајте ги со стопен путер.
Погледнете го видеото за подетални упатства и уживајте во највкусните кроасани!