Кралицата Елизабета среќна како мало дете: После 60 години, конечно и’ се исполнила една будалеста желба!

Британската кралица Елизабета (93) покажала сосема поинаква страна од онаа на којашто досега сме навикнале. Таа за момент заборавила аристократското сериозно држење на фотографиите и конечно си ја исполнила желбата што ја имала со години – да се фотографира со рацете во џебови!

Фотографијата ја објавил магазинот Hello по повод објавувањето на книга на Ангела Кели, долгогодишната стилистка на кралицата, а портретот што го овековечил фотографот Бери Џефри ги воодушевил фановите ширум светот.

На фотографијата од очите на кралицата се гледа колку е среќна што конечно зазема ваква поза за фотографирање и токму нејзината искрена насмевка е тоа што го воодушевило светот.

https://www.instagram.com/p/B4PT3AwpYt-/?utm_source=ig_embed

Кралицата Елизабета посакувала ваква фотографија уште од крунисувањето, но Кралицата мајка и службениците од палатата никогаш не и’ дале одобрување.

Ангела Кели откриле уште занимливости од фотографирањето.

„Нејзиното величество позираше во различни пози – со рацете во и надвор од зебови, па ги ставаше рацете на колкови и ги имитираше професионалните модели. Беше многу среќна и природна“, открила Кели.

Сепак, кралскиот совет одлучил дека необичните фотографии на кралицата не се соодветни за објавување во јавност и одобриле само една – ретка фотографија на која се гледа нејзината насмевка од уво до уво!