Кога бепче ќе послужи како тегче: Програма за мајките што не сакаат да се одделат од бебето и да одат во фитнес-центар
Целта на програмата „Бепче-тегче“ е уживање во контактот меѓу мајката и бебето, но и активирање на мајката, која на правилен начин треба да го врати телото во состојба пред бременоста. На овие тренинзи мајките доаѓаат со своите бебиња, така што не мора да се одделуваат од нив и во можност се да ги задоволат потребите на своите малечки.
Станува збор за колективна гимнастика за постпородилно закрепнување, а фокусот е на зајакнување на карличното дно, колковите, рамениците, стомакот и на грбот.
ЗА ЗАЈАКНУВАЊЕ НА РАМЕНИЦИТЕ, РАЦЕТЕ И НА ТОРЗОТО
Направете расчекор, со малку свиткани колена. Држете го бебето паралелно со градниот кош. Испружете ги рацете, а потоа вратете се во почетна позиција. Направете 3 серии со по осум повторувања.
ЗА ГЛУТЕУСНАТА РЕГИЈА
Направете расчекор, малку поширок од ширината на рамениците. Спуштајте се во полуклекнување, така што колениците да ви бидат паралелни со подлогата. Направете 3 серии со по осум повторувања.
ЗА ЗАЈАКНУВАЊЕ НА СРЕДНИОТ ДЕЛ НА ТЕЛОТО
Наизменично подигајте ги спротивната нога и рака, а потоа вратете се во почетна положба. Направете 3 серии со по осум повторувања.
ЗА СТОМАЧНИТЕ МУСКУЛИ
Легнете и свиткајте го нозете. Држете го бебето над градниот кош. Истовремено подигајте го бебето и испружајте ја ногата, а потоа вратете се во почетна положба. Направете 3 серии со по осум повторување.
ЗА ЗАЈАКНУВАЊЕ ЗАДНА ЛОЖА
Легнете, потпрете ја левата нога на земја, свиткајте ја во колено, а десната исправете ја во висина на левото колено. Ставете го бебето на колковите и држете го со раце. Подигајте ја карлицата додека колковите и рамениот појас ви дојдат во иста линија. Не виткајте го ‘рбетот! Направете 3 серии со по 8 повторувања.
Текст: Наташа Човиновска
Фото: Getty Images