Се приготвуваат брзо и лесно, а вкусот на карамела помеѓу две крцкави обланди е комбинација од соништата
Состојки:
- 2 листа голема обланда
- 300 + 200 г шеќер
- 250 г маргарин или путер
- 3 цели јајца
- 200 г суво грозје
- 200 г блендирани или сечкани ореви
- 300 г мелен бисквит
- 100 г чоколадо
- 3 лажици масло
Приготвување:
Во поголемо тенџере ставете 300 г шеќер, па загревајте го на тивок оган за да се стопи.
Додека чекате, изматете ги јајцата со преостанатиот шеќер. Иситнете го малку путерот или маргаринот.
Кога ќе се стопи шеќерот, додајте путер и мешајте додека се соедини. Путерот ќе се одвојува од шеќерот, па постепено ќе се топи. Сето ова трае околу 5 минути. Потоа полека сипете ја смесата од јајца и мешајте.
Поврзани објави
Загревајте околу 10 минути додека повторно зоврие, постојано на средна температура, и додека добие убава боја на карамела. Потоа, тргнете ја смесата од оган, па додајте ореви, суво грозје и бисквити и измешајте.
Оставете ја 15 минути да се олади. Не ја премачкувајте обландата додека смесата е врела, за да не се попари. Потоа, нанесете ја целата смеса на обландата и убаво размачкајте ја.
Поклопете со рапавата страна на другата обланда и притиснете со нешто за убаво да се залепи.
Оставете ја да се олади и да се стегне, па нанесете глазура од 100 г чоколадо што сте го стопиле на тивок оган со 3 лажици масло.
Штом чоколадото се стегне, можете да ја пресечете обландата на парчиња и да ја послужите.