Вашите навики за спиење можат да доведат до депресија и други ментални проблеми

Совети од експерти

Не е непознато дека заспивањето и будењето во исто време секој ден се добри за деноноќниот ритам и квалитетен сон.

Ново истражување покажа дека ова не е единственото нешто што влијае на навиките за спиење. Имено, резултатите од научен труд објавени од истражувачи од Универзитетот во државата Мичиген во научното списание „Дигитална медицина“ велат дека лошите навики на сон негативно влијаат на менталното здравје и го зголемуваат ризикот од депресија. Во студијата биле вклучени 2.100 млади лекари, чии навики за спиење биле анализирани една година. Со оглед на нивната работа и начин на работа, на сите им е јасно дека нивните навики за спиење не можат да бидат воспоставени како кај луѓето кои имаат редовно работно време.

Исто така, научниците предупредија дека резултатите од истражувањето не ги претставуваат сите луѓе затоа што нивото на стрес кај младите лекари, кои сè уште студираат, е многу повисоко од нивото на стрес кај луѓето кои работат на други работни места. Но, резултатите од оваа студија покажаа дека лекарите кои работат напорно и имаат напорен распоред, најверојатно пријавуваат симптоми поврзани со депресија и лошо расположение. Интересно е што расположението не се зголемува дури и во деновите кога имаат повеќе часови на сон, а причината за ова е спиење и будење во различно време секој ден.

„Многу е важно да имате униформен ритам на спиење и будење ако сакате да се грижите за вашето ментално здравје. Природниот деноноќен ритам е нарушен ако тој ритам е нерамномерен, и поради тоа организмот доаѓа во состојба на конфузија, што потоа негативно влијае на расположението и на менталното здравје“, рече психологот Џошуа Тал. Затоа, ако не се чувствувате добро во последно време и забележувате промени во расположението, прво запрашајте се дали вашите навики за спиење се неуредни. Ако се, започнете да спиете и да се будите во исто време, бидејќи тоа навистина влијае на вашето расположение.

Прочитајте и: Според психолог, ова е начин да се смирите среде напад на паника

 

ФОТО: Getty Images

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време