Предвесници на Велигден: Еве што треба да знаете за празниците Лазарова сабота и Цветници
На 16 април е Лазарова сабота, еден од поголемите христијански празници од пролетниот циклус. Лазарова сабота е променлив празник и секогаш се паѓа еден ден пред Цветници, кои се точно една недела пред најголемиот празник Велигден.
На овој ден се споменува чудесното воскресение на четиридневно упокоениот Лазар извршено од Исус Христос. Овој настан бил на шест дена пред предавството и убиството на Христос на Голгота.
На Лазарева сабота обичај е да се носат гранчиња од врба што симболично претставува свечено Христово влегување во Ерусалим, каде што го пречекале следбениците.
На овој ден обично се оди на река и се вели:
Поврзани објави
Колку далеку го фрлив овој камен, толку подалеку да биде змијата од мене!“
Дента се бере цвеќе, но не се внесува дома, туку важно е да се остави во дворот. Потоа, со цвеќето се кити домот, а со водата каде што стоело се замиваат домашните.
Во Македонија групи девојчиња – Лазарки, облечени како невести одат и пеат лазарски песни, како обичај за големиот празник.
Во спомен, пак, на свеченото влегување на Исус во Ерусалим уште од најраните христијански времиња е востановен празникот Цветници кој, меѓутоа, се празнува од III век. На иконата овој чин е насликан како Исус јава на магаре, а неговите ученици и народот му го постилаат патот со цвеќе и облека.