Оставете ја најтешката задача за крај: 3 трикови кои ќе ви помогнат да ги завршите сите обврски кога немате мотивација!

Дали чувствувате дека не сте доволно мотивирани во последно време? Ако одговорот е да, не очајувајте. Сигурно не сте единствените кои не наоѓаат волја за работа во овие неизвесни времиња, поради што психолозите работат дење и ноќе за да најдат решение за овој проблем.

Еве ги нивните препораки:

Проценете дали проблемот е вистински недостаток на мотивација или нешто друго

Постојат неколку работи што можат да се сокријат зад чувството на недостаток на мотивација. Ова чувство може да значи дека едноставно сте презаситени со работа, а не дека ви недостасува волја да работите. Можеби премногу се споредувате со другите, наместо да бидете посветени на исполнување на вашите цели? Третата причина за перцепиран недостаток на мотивација може да биде замор, што значи дека е вистинско време да заминете на одмор и да не размислувате за обврски барем неколку дена.

Остави ја најтешката задача за крај

Ако тешкотијата на задачата со која се соочувате ве одвраќа од започнување со работа треба да ја оставите за понатаму. Понекогаш е подобро најпрво да ги завршите најлесните обврски, со цел да се подигне самодовербата, и само тогаш да се справите со потешки проблеми.

Испланирајте време за пауза 

Пред да започнете да правите нешто, изберете активност за да се опуштите за време на паузата. Може да биде разговор со сакана личност, кратка прошетка, читање весник или нешто друго. На овој начин, ќе се ослободите од стресот да донесете друга одлука по напорната неколкучасовна работа, поради што навистина ќе се одморите за време на паузата и ќе си дозволите да бидете соодветно мотивирани за понатамошни потфати.

Пронајдете начин да бидете секогаш полни со енергија

Некои луѓе сакаат да одат на трчање или да пливаат пред да заминат на работа, бидејќи тоа им овозможува да бидат подготвени за работа веднаш кога ќе стапнат во канцеларија. Другите не започнуваат ништо без утринско кафе, а има и такви кои избегнуваат да јадат одредена храна за појадок со цел да имаат повеќе енергија во текот на денот. Секој има свој индивидуален метод за „полнење на батериите“, поради што ви препорачуваме да пробате различни работи и да изберете која најмногу ви одговара.

Прочитајте и: 4 научно докажани начини кои ќе ве доведат до самоостварување

 

ФОТО: Pexels

Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.