Мантри и афирмации кои ќе ви помогнат полесно да се справите со негативните емоции
Испробајте
Мантра е звук, слог, збор, фонема или група зборови на санскрит за кој се верува дека има духовна и трансформациска моќ.
Мантри се користат илјадници години за развој на внатрешен, духовен мир и за смирување на умот, што понекогаш може да биде неверојатно гласно. Ако често не сте во можност да ги замолчите сопствените мисли и да го смирите немирен ум, преоптоварен со работи на кои не можете да влијаете, мантрата и афирмациите може да ви помогнат во тоа. Затоа, мантите се многу моќно оружје што го смирува умот и ви овозможува да се фокусирате на најважните работи.
Ом
Ом се смета за извор и почеток на сите мантри. Нема единствен превод, но има многу значења. Тој го симболизира почетокот и содржи во себе сè што постои и што доаѓа по почетокот. Според Ведите, на почетокот немало ништо, а потоа вибрации. Оваа вибрација е претставена од Ом, чие изговарање или пеење постигнува фокус, чистота и јасност на умот или некоја друга мантра.
Сохам
Поврзани објави
Се верува дека звукот на оваа мантра се изедначува со секој наш здив, но современиот начин на живот предизвикува нерамнотежа помеѓу нас и тој природен и вечен ритам. За да ја изведете оваа мантра, изговорете го звукот со, што се преведува како тоа и што значи само постоење, кога вдишувате. Додека издишувате, кажете хам, што значи „јас“. Буквално преведена, оваа мантра значи „Јас сум тоа“, што претставува изедначување на себе си со сè друго на светот. Оваа мантра нè потсетува дека постои само една, врвна свест и една реалност со која сите сме поврзани.
Создадете своја сопствена позитивна афирмација
Ако едноставно не се чувствувате поврзани со горенаведените мантри, пробајте свои афирмации што исто така можат да ви помогнат да го смирите умот. Со афирмации, не мора да се држите до еден јазик, создадете ги на јазик со кој можете најмногу да се поврзете. Но, советуваме дека афирмацијата да нема повеќе од десет зборови. Таквата афирмација мора да биде позитивна и да означува што сакате да промените. На пример, ако сакате да се оспособите за нови животни предизвици, можете да кажете афирмација „Слобода, мир, решение“ или „Ги менувам мислите, го менувам мојот свет“ и слично.
Прочитајте и: Џон Малковиќ за богатството, суетата и бракот долг 30 години: „Парите никого нема да го направат посреќен!“
ФОТО: Unsplash