„Калцедонија” во своите фабрики ќе произведува заштитни маски
Брендот ќе произведува 10.000 маски дневно!
Групацијата Калцедонија е уште еден бренд што одлучи да се приклучи во борбата против епидемијата на коронавирусот. Калцедонија ќе трансформира две фабрики – Авио во Италија и Гиси во Хрватска, за да започнат со производство на заштитни маски кои се важни во борбата против КОВИД-19.
За подобрување на својата деловна активност, компанијата купи специјални машини за создавање полуавтоматски линии и ги обучи операторите за шиење на новиот вид на производство.
Прочитајте и: Во италијанската фабрика на „Прада“ ќе се произведуваат само заштитни костими и маски
„Претседателот на компанијата, Сандро Веронеси, оваа операција ја смета за апсолутно неопходна. Тој ја демонстрира чувствителноста на Групацијата кон вработените, клиентите и тековната вонредна состојба што нè засега сите.” Пред да се донесе оваа одлука, компанијата ги затвори сите продавници кои се наоѓаат во опасните зони во Италија, а потоа и во до целата земја.
За почеток, фабриките ќе произведуваат 10.000 маски на ден, што е веќе огромен број. Сепак, како што посочуваат претставниците на Калцедонија, нивниот број ќе биде уште поголем во наредните недели.
Калцедонија е уште еден бренд кој се приклучи на здравствената служба за време на пандемијата на коронавирусот. Претходно, меѓу другите, групата LVMH одлучи да произведе антибактериски гелови во своите козметички фабрики.