Како да знаеме дали навистина ја прифативме и започнавме да ја надминуваме тешката животна ситуација?
Совети од експерт
Тешките периоди од животот се неизбежен дел од нашето патување. Без разлика дали станува збор за ненадејно раскинување на љубовна врска, прекинување пријателство или некоја друга загуба, процесот на опоравување не е лесен.
Џон Ким, лиценциран психотерапевт и автор на познатите книги „Намерно сингл“ и „Порано бев мизерен *“, тврди дека најголемата грешка во процесот на надминување е несвесното одбивање. Таквото неприфаќање најчесто доаѓа во форма на лажење себе или блиски луѓе и уверување дека сме добри во моменти кога не сме. Но, сè што се случило во врска или ситуација што се обидувате да го оставите зад себе, било да се тоа лоши или убави делови, е дел од вас што не треба да го отфрлате. Со игнорирање и отфрлање, вели Ким, ја правиме болната ситуација уште полоша и дозволуваме да цвета во нас.
„Прифаќањето е почеток на заздравување на раните. Ако не прифатиме нешто, тоа продолжува да расте во нас како вирус. Можеби ќе можеме да го закопаме некое време и да бидеме измамени, но со текот на времето болката ќе се врати“, изјави Ким. Прифаќањето може да има повеќе форми. Некогаш прифаќањето е прошка на другите, понекогаш прифаќањето е прошка на самиот себе. Понекогаш треба да ја прифатиме вината, понекогаш фактот дека врската беше токсична, а понекогаш и дека целата ситуација нѐ потресе повеќе отколку што мислиме.
Прифаќајќи ја вистината, каква и да е таа, си дозволуваме да продолжиме и да поминеме низ сè што следи, и често следи многу. Но, она што не смеете да го заборавите е дека заздравувањето и продолжувањето е еден процес што не можеме да го забрзаме. Почетокот на овој процес е секогаш прифаќање на вистината. За некои прифаќањето ќе донесе среќа, чувство на слобода и леснотија, додека за други ќе донесе тежина и тага. Која емоција и да ја пронајдете откако ќе ја прифатите вистината дозволете си да ја почувствувате.
Поврзани објави
Со текот на времето, сè ќе стане полесно. „Си дозволивте да погледнете што ве скрши и да преземете одговорност за своите постапки. Научете лекции од сето ова и применете ги во подоцнежниот живот. Запомнете дека поради тоа станавте подобра верзија за себе и дека, и покрај вашата болка, научивте многу за животот, љубовта и најважното – за себе“, рече Ким и ве потсети дека прифаќањето е единствениот правилен начин.
Прочитајте и: Како да ја постигне поставената цел? Науката има едноставно решение за тоа
ФОТО: Unsplash