Јадење што ќе го задоволи сечиј вкус: Пробајте тестенини со пилешко месо
Одличен ручек
Сите домашни ќе ги обожаваат тестенините приготвени на овој начин
Состојки:
- 400 г тестенини во облик на полжавчиња
- 115 г путер
- 120 г крем-сирење
- 600 мл павлака за готвење
- 110 г пармезан
- 120 г месеста сланина
- 350 г пилешко бело месо
- 2 чешниња лук
- 2 јајца
- 200 г моцарела + 100 г за посипување
- бибер
- сол
Приготвување:
1. Пилешкото месо се вари во солена вода, а потоа се цеди од вишокот течност и се сечка на коцки.
2. Тестенините исто така се варат во солена вода, да бидат ал денте, па и тие се цедат од течноста (течноста од варењето да се зачува).
3. Сланината се сечка на стапчиња и се пржи во сува тава, а потоа се цеди од маснотијата и се остава настрана.
4. Лукот се пасира, 200 г моцарела се сечка на коцки, а остатокот се ренда.
5. Во поголемо тенџере се мешаат павлаката за готвење, путерот, лукот и крем-сирењето, па се вари, да се растопат и помешаат состојките. Се додава ренданиот пармезан, се посолува и забиберува, па се промешува.
6. Се додаваат вареното пилешко месо, сланината и тестенините, па се промешува. Ако е смесата премногу густа, се додава малку од преостанатата течност од варењето на тестенините.
7. На крајот се ставаат јајцата и коцките сирење, па се промешува. Смесата се става во намрсен огноотпорен сад, одозгора се посипува со рендана моцарела и се пече на 200°Ц, додека зарумени јадењето.
Извор: Добра храна