Како да ја направите вашата домашна канцеларија место каде што сакате да поминувате време
За поголема продуктивност
Кога се грижиме за работите што ги имаме во животот, тие ни враќаат со позитивна енергија. Ако го направиме просторот во кој живееме пријатен за окото и душата, тоа ќе стане место кое нѐ исполнува со енергија.
Кога станува збор за канцеларијата, која за многумина од нас сè уште се наоѓа во нашите домови, многу е важно да создадете простор каде ќе бидете продуктивни и благодарни за сè што ви дава продуктивност. Колку и да ви се чини како неважно, благодарноста е една од клучните работи за да се чувствувате удобно во животот, дури и во вашиот работен простор, што исто така може да стане станица за полнење, а токму тоа е принципот со кој работи Мари Кондо. Подолу ви носиме неколку нејзини совети како да бидете посреќни во вашиот работен простор.
Начини да внесете среќа и позитивна енергија во вашиот работен простор
Немојте да мислите на реорганизирање на просторот како чистење. Кажете си дека станува збор за дизајн на ентериер. Кога си велиме на себеси дека МОРА да направиме нешто, тоа делува повеќе како задача и обврска што не можеме да ја исполниме, но ако ја поставиме како креативна задача и излез од секојдневните обврски, ќе се радуваме што се вклучивме во таков проект. При дизајнирање на работното место, обрнете внимание на деталите и изберете ги омилените делови што сакате да ги потенцирате. Замислете идеален ентериер и обидете се да го извлечете најдоброто од вашиот простор.
Започнете со најмалите детали, како што се пенкалата. Ослободете се од сите што воопшто не ги користите или воопшто не ви значат ништо и оставете ги сите што предизвикуваат искра во вас. Направете го истото со тетратките, бележници, ножици и минимизирајте ја количината на производи што ги имате. Додека наједноставниот метод е веројатно само да замените сè со нови артикли и мебел, одвојте време и внесете нов живот во работите што веќе ги поседувате. Ако веќе одите на шопинг, не купувајте импулсивно, купете ги само оние парчиња со кои ќе споделите добра енергија.
Покрај тоа, одберете неколку работи што можеби не ви требаат за работа, но ви носат радост во вашиот работен простор, без разлика дали тоа се разгледници од вашите омилени патувања, фотографии, растенија или предмет што ви значи нешто.
Поврзани објави
Предлози за декорација:
- Одлучете се за палетата на бои што сакате да преовладува во канцеларијата.
- Изберете специфична тема за украсување на просторот.
- Најдете фотографии за украсување на работната површина.
- Ставете мало растение на работната маса за да имате постојан контакт со природата.
- Поставете кристал, чаша или нешто сјајно некаде во просторот.
- Ставете го дифузорот со есенцијални масла на орманот и користете ги маслата за енергија, мотивација или релаксација.
- Испробајте украсни свеќи.
- Изберете подметачи што ќе донесат мир во вашето тело.
- Променете ја позадината на вашиот лаптоп од време на време, според сезоните.
Прочитајте и: Темната страна на работењето од дома за која малку се зборува
ФОТО: Unsplash