Ако планирате сирупот брзо да го пиете, немојте во него да додавате конзерванс, туку чувајте го во фрижидер
Бозелот има неверојатно лековити својства, многу пријатен мирис и е непроценливо здрав. Нашите предци сметале дека бозелот е една од најлековитите билки во светот, а подоцна и научниците потврдија дека тоа е така, истакнувајќи дека содржи големи количини на флавоноиди, каротин, витамин А, B и C.
Досега е познато дека бозелот лечи грип, синуси, бронхитис, астма и алергии. Исто така, докажано е дека сокот од бозел го подобрува имунитетот и помага при дијабетес и запек.
Ако чувствувате дека ќе добиете грип, напијте се чај од исушени цветови на бозел или едноставно пијте домашен сок од бозел. Оваа билка се корисна за астма и воспаление на дишните патишта, затоа што го олеснува дишењето и помага при искашлување.
За приготвување на 4 л домашен сируп од бозел ќе ви бидат потребни само 15 минути, но треба да отстои 48 часа пред употребата.
Состојки:
- 45 цвета од бозел
- 3 л вода
- 6 лимонски киселини
- око 2,7 кг шеќер
- 1/4 конзерванс
Приготвување:
Во сад се сипуваат 3 литра вода и се вари додека зоврие. Се трга од шпоретот и се остава да се олади.
Цветовите од бозел добро се мијат и се ставаат во оладената вода, потоа во неа се додава лимонската киселина и полека се меша.
Поврзани објави
Садот се поклопува и се остава да отстои на ладно место 24 часа.
Утредента се цедат цветовите од бозел низ густо цедило или газа.
Се мери количеството исцедена течност, па на секој литар се додава 1 кг шеќер (ние добивме 2,7 л течност, па додадовме и 2,7 кг шеќер).
На крајот се додава конзервансот и се меша со маталка.
Сирупот се остава во тенџерето да мирува 24 часа, а во текот на мирувањето повремено се меша, додека се растопат шеќерот и конзервансот.
утредента се мијат стаклени шишиња и се стерилизираат во загреана рерна на 50°С.
Откако ќе се оладат, се сипува во нив сирупот, па се затвораат со целофан и ластиче или со капачиња.
Се оставаат на суво и ладно место.
Текст и фото: „Добра храна“