Ви предлагаме многу едноставен рецепт
Сè што ви треба за овој рецепт се кајсии, лимонтус, вода и шеќер.
Состојки:
- 5 кг кајсии
- 3 кесички лимонтус
- 3 л вода
- шеќер (количината зависи од тоа колку сакате да биде сладок сирупот)
Приготвување:
Кајсиите треба да се излупат и да им се извадат семките, по што треба да се изблендираат или испасираат. Откако ќе зовријат 3 литри вода, се оставаат да се оладат. Потоа, се прелеваат кајсиите со зовриената вода, се додава лимонтус и сето тоа добро се меша. Садот во којшто сте сипале сè, се покрива и се остава да отстои 24 часа. Откако ќе отстои смесата, се процедува низ газа и на секој литар течност се додава 1 кг шеќер. Се меша сето тоа додека се стопи шеќерот. Се сипува сокот во шишиња и добро се затвораат. Сокот треба да се чува на ладно и на темно место, а по отворањето се чува во фрижидер.