По сите бродоломи: Анџелина Џоли засекогаш го остава Бред Пит и заминува од Холивуд
Доста ѝ е од се'!
Таблоидот Female First тврди дека на славната актерка Анџелина Џоли ѝ е смачено од Холивуд и од турблентниот однос со поранешниот сопруг Бред Пит и сака децата да ги одгледува во поздраво и побезбедно опкружување, па затоа се сели во Лондон. Моментално разгледува недвижнини во западниот дел на градот, а интересно е тоа што таа и Бред живееја тамуво 2011 година.
Одлуката на Анџелина засекогаш да се пресели во Европа ѝ е дамнешна желба, која е една од главните причини за расправиите што актерката ги имаше со бившиот сопруг, особено во текот на бракоразводната парница, која трае веќе четири години. Тој инсистирал таа и децата да останат да живеат во САД барем додека сите нивни деца станат полнолетни, но очигледно Анџелина веќе нема трпение и не може да чека.
Потсетуваме, Анџелина и Бред беа во врска од 2005 до 2014 година, а потоа стапија во брак кој траеше само две години. И покрај тоа, тие спаѓаат во еден од најдолговечните парови во Холивуд бидејќи нивниот љубовен однос траеше 11 години. Двојката има шест деца.