Дали се плашите од љубов и приврзаност кон другите? Еве зошто тоа може да биде многу опасно

Но, додека благ страв е совршено нормална работа, има луѓе кои, по самата помисла за љубов и приврзаност кон другите, чувствуваат необјаснив страв со кој не можат да се справат. Овој необјаснив и ирационален страв од љубов се нарекува филофобија. Слично е на многу други фобии, особено оние од социјална природа.

Симптоми на филофобија

Филофобијата е чувство да се биде обземен од неоснован страв од љубов и емоционална приврзаност кон другите луѓе. Оваа фобија е многу посилна од обичниот страв и влијае на животот на лицето што го доживува. Симптомите варираат од личност до личност и можат да бидат емотивни и физички по природа и само по мислата за љубов и приврзаност. Некои од симптомите се чувство на паника, избегнување на луѓе, потење, брзо чукање на срцето, проблеми со дишењето, вртоглавица и неможност да функционира нормално.

Ако страдате од филофобија, можеби сте свесни дека станува збор за ирационален страв, но сепак го чувствувате и не гледате решение за тоа. Филофобијата не е социјална вознемиреност, но луѓето кои страдаат од филофобија, исто така, можат да страдаат од социјална вознемиреност. Експертите велат дека филофобијата е карактеристична за луѓето кои имаат траума заснована на искуства од минатото. Тие, велат експертите, сметаат дека болката што ја почувствувале ќе се повтори и дека повторното приврзување едноставно не вреди да се ризикува.

Иако филофобија не е вклучена во Дијагностичкиот и статистичкиот прирачник за ментални нарушувања, тоа е сериозно нарушување и доколку не се лекува може да доведе до големи компликации, социјална изолација, депресија, анксиозно растројство, злоупотреба на алкохол и дрога, па дури и самоубиство. Затоа, ако почувствувате ирационален страв што ве оптеретува во мислата да се поврзете и да се предадете на друго лице, не се срамете и побарајте стручна помош.

Прочитајте и: Советникот за брак ги сподели начините на кои решава проблеми и кавги со партнерот

ФОТО: Pixabay