Ни кралската послуга не сака повеќе да молчи за Меган: „Го доби најдобриот тим од кралицата, но таа никого не сакаше да послуша!“
Уште една лага?
Извори велат дека кралицата лично ѝ доделила најдобри и најискусни соработници, како и дозвола да си ги одбере сама
И вработените во кралската палата на Велика Британија го следеле скандалозното интервју на Меган Маркл и принц Хари, а како што велат анонимни извори, тие се најмногу шокирани од тврдењето дека Меган немала никаква поддршка и дека никој не ѝ помагал да се вклопи во новиот начин на живот, кој ѝ бил потполно непознат.
Медиумите дознаваат дека кралицата ѝ ги доделила на Меган најискусните соработници за ментори уште кога се свршила со Хари и дека ѝ дозволила сама да одбере од 15-те најдобри лојални вработени кои со децении работат за кралското семејство.
„Имаше брилијантен тим составен од искусни и лојални луѓе за да ѝ помогнат. За жал, таа и Хари не слушаа никого. Тоа е единствената вистина“, открил изворот.
Како што наведуваат британските таблоиди, кралицата лично донела одлука нејзината популарна поранешна секретарка Саманта Коен да го води тимот на Меган и да ја подготви поранешната актерка за венчавката. Саманта е личност од најголема доверба за кралицата Елизабета и токму затоа ѝ ја доделила на Меган, за секојдневно да ја подучува за протоколите и кралските манири.
Инаку, се зборува дека и Саманта Коен е меѓу вработените кои се жалеле на мобинг од страна на Меган Маркл, околу што Бакингемската палата, како што е официјално најавено, ќе спроведе истрага.
Да се потсетиме, Меган во интервјуто навела дека никој ништо не ѝ помагал, ниту ја упатувал во работите што не можела да ги знае и дека среде ноќ гуглала како треба да се однесува за да не го засрами новото семејство.